SHILLONG: Ka seng JSU mynta ka sngi ka la kynduh ia ki nongpyniaid ka company Top Cem ha Thangskai, bad dawa ym tang ban suspen ia ar ngut ki nongtrei, hynrei dei ban beh kam syndon halor ka jingpynshit jongki ban tied ia ki paidbah ba pyrshah ia ka jingpynlong ia ka jingsngap paidbah dang shen.
Ki nongialam ka seng ki la dawa mardor ban beh krad ia kine ki nongtrei bar jylla napoh ka jylla Meghalaya ban lait na ki jingjia ba sngewsih bad ka la maham ia ki heh ka Top Cem lada ki dang buh ia kine ki arngut ki bar jylla hapoh company, ka Top Cem ka hap ban khlieh lada kam kohnguh iaka jingdawa ka seng ban beh krad syndon iakine ki arngut ki nongtrei bar jylla noh ka jylla Meghalaya.
La iathuh ba ki heh company ki la mynjur bad ki lah ong ba ki lah phah sha ki bor halor ka company ban leh ia kaba donkam.
Na ka liang u DC ka EJH u lah kular ban thoh sha ka Home and Political Department ban beh syndon iakini ar ngut ki nongpynshit na poh ka jylla.
Weng kam beit ia ki bar jylla ba trei ha TopCem kiba pynshit tied briew, dawa ka JSU na u DC
