SHILLONG: Ha ka sngi Thohdieng, ka [24]7.ai ka la pynlait ïa ki lai tylli prokram (Project Udaan, Project Nirmalya bad ka Women empowerment), kum shi bynta na ka jingbteng ban wanrah jingkylla ha ka roi ka par jong ka jylla Meghalaya.
Ka [24]7.ai kadei kaba nyngkong eh ban buh ïa ka international BPO ka ba la trei kam ha Shillong ha ki ar snem kiba la dep bad kane ka la nang ïar naduh katei ka por ha kaba ka long ka jingplie lad na anta ki samla ha kylleng ka jylla. Ka [24]7.ai ka jingthmu ban long u nongtrei da ka jingmon lane jingjied lade, ha ryngkat ka rai ban plie lad ban pyni ïa ki sap tynrai kiba ki don ban trei na ka bynta ki 500 tylli kompeni ha kylleng ki ri ka pyrthei da kaba ki shong trei na la ïing. Kane ka lad ai kam ka la sdang ban ïar sha ka 25,000 sq. ft. ha Shillong Technology Park bad ka dei kaba la don bynta ban ithuh ïa ka sap ka phong jong ki khynnah samla bad ruh ban pynkylla ïa ka sap kaba ki don sha kawei na ki lad trei kam kaba bha tam.
Kane ka kompeni mynta ka khmih bniah ban nang sei ïa ki lad trei kam ha Meghalaya lyngba ki tnat trei kam jong ka ba tip kum ki Corporate Social Responsibility (CSR) kiba la pyntrei hapoh ka [24]7.ai Foundation. Kum shi bynta na ka jingthmu jong ka ban buh ïa ka Meghalaya ha ka global IT/ITES map, ka kompeni kan pynlut ban shna ïa ka eco-system of industry-ready BPO kiba don ïa ka sap kaba tbit. Kum shi bynta na ka jingdon ïa ki sam kiba phert, ka Project Udaan, ka long ka lad ka ban plie na ka bynta ki khynnah samla ba kin tip shaphang ki lad trei ba tip kum ka newtechnology, kaba long ka lad ïa ki ba kin ïoh kam bad ruh ba kin lah ban pyntbit ïa ka jinglah ban pynïadei jong ki bad kiwei lyngba ka BPO sector.
Ki khynnah samla ki donkam ban wan shim bynta ha ka jingai jingpyntbit kaba 20 sngi linter, ïa kaba yn nang ai jinghikai shuh shuh ïa ki , ka[24]7.ai’ ka ai jinghikai kaba ki lah ban sngap ne leh na ïing ha ka BPO sector ka ban hikai ïa ki kumno ba kin lah ban rung sha kane ka kompeni bad ruh ba kin im da ka kamai jong ki. Kane ka rukom ai kam ïa ki khynnah samla ka dei ruh ka lad ba kin lah ban sngewthuh ïalade shi met bad ruh ba kin pynsngewthuh ïa kiwei pat ki samla kiba don sha ka imlang sahlang kaba dang sahdien. Ïa ka jingsam syrnot yn leh hadien ba ka jingai training lane ka jingai jinghikai pyntbit kan kut, Ka [24]7.ai, ha kaba yn sa tyrwa ïa ki ha kano ka liang ba ki sngew dei ban sngew long ban trei shipor.
Nalor kane ka [24]7.ai ka kyrshan ruh ïa ki longkmie ba kin lad ban ïoh kam ïoh jam. Da kaba ai jinghikai pyntbit ïa ki ha ki liang bap her, kum ka Tally, ki kam ophis, ñiah kali, suh jaiñ bad ruh kum ki beautician, kane ka kompeni ka trei na ka bynta ban kyntiew ïa ka jingling laitluid ki longkmie ha Meghalaya ba kin lah ban wanrah ïa ka roi ka par ha ka jylla.
Kawei pat ka lad ai kam lane ka projek kaba lai ka dei ka Project Nirmalya kaba ka jingthmu jong ka ka long ban khmih bniah bad ruh ban ïaleh ban weng ïa ka jingiehnoh skul ba tang shiteng por jong ki khynnah na ka daw ka jingbym biang ka jingkhuid jing suba bad ruh ki jaka leit shabar. Ka jingthmu ka long ban shna ïa ki paiñkhana kiba khuid na ka bynta ki khynnah, ka jingthmu jong kane ka projek ka long ban pynlong ïa ki khynnah ba kin wan beit sha skul bad ruh ba kin don ka jingsngewtynnat ban pule. Ïa mynta don 14 tylli ki paiñkhana ha ki 5 tylli ki skul [24]7.ai bad ka jingthmu ka long ban shna haduh 50 tylli ki paiñkhana ha kaba kut jong une u snem.
Haba ïakren ïa kine ki lad trei kam, u Myntri Rangbah ba don burom jong ka jylla u Shri Conrad K. Sangma, u la ong, “Ngi sngewkmen ban ïohi ïa ka jingkiew bad jinglah ka [24]7.ai kaba pyrshang ban wanran jingkylla ha Meghalaya. Ka jinglah jong ki ban wanrah ïa ki lad trei kam bad ruh ban kyntiew ïa ka roi ka paw da kaba pyntrei kam ïa kiba bun ki projek ban ai kam ïa ki khynnah samla shynrang bad kynthei bad ruh ban wanrah ka jingbha na ka bynta ki khynnah skul ka long kaei kaei kaba ngi donkam ban ïakren. Wat lada ki projek kum ka ‘Project Udaan’ ka Youth Skill Development initiative, bad women skilling projects, [24]7.ai ka wanrah ka jingkylla kaba shisah ha ka jingim jong ki khynnah samla, kaba plie lad ïa ki ba kin pyni ïa ki sap ki phong jong ki kan wanrah ïa ka lawei kaba phyrnai. Ngi burom ïa kane ka jingpyrshang jong ki bad ngi dang wad lad ban gin ïoh ïatrei lang ban wanrah ka jingkylla bad ruh ban pynkhlaiñ ïa ki lad ai kam ai jam ha Meghalaya da ka jingïatrei lang kum kawei.”
Da kaba pynpaw ïa ka jingkwah jong kane ka kompeni ban wanrah jingkylla, u Nina Nair, SVP ha ryngkat u HRD Head, India &Americas, [24]7.ai bad ruh ki dkhot jong ka [24]7.ai Foundation ki la ong, “Ka jingïaid lynti jong ngi ha Meghalaya ka long kaba la pur stet bh. Ngi kwah ban wanrah ka jingkylla da kaba ithuh ïa ka sap ka phong bad ruh ka jingkyrduh kam kaba ngi lah ban pynduh noh da kaba ithuh ïa ka sap jong ki khynnah samla, bad ruh ban wanrah ïa ki lad trei kam kiba don jingmyntoi ha ka jylla. Ka jingthmu jong ngi ban pynbiang ïa ki lad ai jinghikai ha ka pule puthi khlem ka jingle shiliang bad ruh ban ai ka jingpyntbit ïa ki samla bad longkmie ka long ban kyntiew ïa ka roi ka par. Sa kawei ka projek ka ‘Project Nirmalya’ ka long ban pynbiang ïa ki paiñkhana ha ki sku; na ka bynta ki khynnah kynthei. Ngi ngeit ba ngin lah ban wanrah ka jingkylla kaba biang tam bad ruh ban bteng ban kyntiew ïa ka roi ka par bad ruh ka bha ka miat ha ka jylla Meghalaya “
Ka [24]7.ai Da kaba kdew shai ïa ka jingdon bynta jong ka sorkar kaba kyrshan ïa kane ka jingpyntrei kam. Ka kompeni ka la ïoh ïa ki jaka kiba ka lah ban ai jingpyntbit bad ruh ki jaka ban pynlong ïa ki prokram ai jinghikai ïa ki khynnah samla na ka sorkar, ka long ruh kaba donkam ban kdew shai ba ka sorkar kan ïatrei lang na ka bynta ban kyntiew ïa ka imlang sahlang.
Ka Kompeni ka pynïaid ïaid ïa kiba bun ki tnat trei kam da ka jingïatrei lang Ka [24]7.ai Ka Foundation pan India. Ka jingbatai harum ka dei kaba kdew ïa ki katto katne kiei kei kiba ka kompeni ka lah ban pynmih tad haduh mynta.
Ka Project Nirmalya ka dei ka jingthmu ban buh ïa 50 tylli ki jaka leit shabar kiba khuid ha ki skul sorkar
