SHILLONG: Ha ka 24 tarik Nailar 2023, ka kynhun ki dkhot ka Jaintia Students Union ka la hiar ha ka por janmiet sha shnong Lapangap kaba don ha khappud ban ai jingshngain ia ki nongshong shnong kiba la kynnoh, ba kila shah pyndik ha ki Karbi kiba wan ban pynjulor ia ki jaka rep.
Na ka liang ka seng ka la pynibor ia ka bor distrik West Jaintia bad ka la dawa ia ki bor pulit bad na u DC ka West Jaintia ba ka sorkar ka dei ban buh noh da ka ktem pulit ban pahara khappud hapoh u pud u sam ka shnong Lapangap bad sha ki jaka iakynad bad ka seng ka la ong ba ki pulit ki dei ban ai jingiada ia ki nongleit nongwan bad ki jaka rep ki pnar. Ka seng ka la ong ba lada ki pulit kim lah ban ai jingiada ka seng ha ryngkat bad ki paitbah kin leh iaka donkam ban iada la ka thaiñ.
Na ka liang u bor distrik ki la mynjur ban wanrah ia ki pulit sha kine ki jaka iakynad naduh lashai ka sngi bad ka shnong Lapangap ki la pdiang ia kane ka jingai buit bad ka jingdawa ka seng.
Ka seng ka lah maham tyngeh ia ki katto katne ngut ki nongpynshit jaitbynriew kiba wanrah ia ka jingiakynad hapdeng ki Karbi bad ki Khasi-Jaintia ha ki thaiñ khappud bad ka seng.
Ap miet ka JSU ha Lapangap ba shah pynjulor ki Karbi ia ki jaka rep ki Pnar
