SHILLONG: Mynta ka sngi ha ka por 3:30Pm eiei ki pulit kila ioh jingtip na ki kmie ki kpa ba ha ka por kumba 12:30pm eiei, ar ngut ki briew kiba dei ki bar jylla, ki la leit sha Laitumkhrah Higher Secondary Presbyterian School, bad ki kwah ban ialam ia kawei ka khynnah rit klas KG hynrei ka Principal bad ki Class Teacher kim shah namar ba ka khynnah kam ithuh ia kine ki briew.
Kine ki briew ki la thok ba ka kmie jong I khunlung ka pang ha ïing bad ka bor skul ka la pyntip sha ka kmie marmar, kaba la phah noh da kiwei ban wan shaw ia kane ka khynnah.
La iathuh ba ki pulit kila ioh jingtip ba ka la don ruh ka jingpyrshang ban rahbor ia uwei u khynnah klas 6 katba u dang leit sha iing hynrei u lait im. Kumta, ki pulit kila kyntu ia ki kmie ki kpa bad ki skul ba kin long kiba husiar na ki nongrahbor bad ban pyntip mar mar lada don kano kano sha u OC ne PCR number ban pynthikna khnang ban kem ia ki runar.
Husiar khynnah skul na ki nongrah bor, lait im i klas KG na ki runar
