Shillong: Ka Lympung Ki Seng Kynthei, ha ka sngi Balang ki la kynduh markhmat ia u Chief Executive Member ka KHADC u bah Pyniaid Sing Syiem, ha kane ka jingkynduh, ka sur kaba sawa jam nha ki longkmie ka long ban kyntu ia u CEM ba un bthah ia baroh ki dorbar shnong ba kin shahu ne ailad ia arngut ki longkmie ba kin long kum ki dkhot ne ki executive member jong ki dorbar shnong.
Haba kren bad ki klad pathai khubor hadien ba la ia kynduh ia u CEM, na ka liang Secretary ka Lympuhng ki seng Kynthei I kong General Secretary, Kong Tentiness Swer lem bad I kong Theilin Phanbuh, President, ki pynpaw ba kane ka jingleit ia kynduh ka jong ki ia u bah Pyniaid Sing Syiem ka long kaba sngewtynnad, hadienba u la sngap bad shah shkor ia ki nongrim ba ki la pynpaw hakhmat jong u halor kane ka jingdawa ka jong ki ba ki dorbar shnong kin ailad ia arngut ki longkmie ba kin long kum ki dklhot ka executive committee ka dorbar shnong.
Ka Lympung Ki seng Kynthei, ka kren shai kdar ruh ba kane ka jingiakynduh kim shymn la kren ne ban pynpaw ba ki longkmie kin long wat haduh ki Rangbah shnong, hynrei ki hun bad pdiang ba lada ki dorbar shnong kin shah ne ailad ia ki ban long tang kum ki dkhot ne ki executive member.