Shillong: U Myntri Rangbah ka Jylla, u Conrad K Sangma u la ong ba kumba ka long mynta ka khydop lum khajna ba la buh da ka Karbi Anglong Autonomous Council (KAAC) kam shym la treikam satia mynta, bad na ka liang ki ar tylli ki regional committee jong baroh ar tylli ki Jylla kin sa leit ban jurip lang ia ka thain Khanduli hadien ka jingrakhe ia ka sngi ïoh laitluid.
U la ong ba katkum ka jingtip ba u la ioh, ia mynta ka khyrdop lum khajna ka dang don, hynrei kam don satia ka jinglum khajna na ki paidbah. U la pyntip ruh ba na ka bynta ban pynbeit ia kane ka jingeh bad ban iaid shakhmat bad ka jingpynbeit pud ki chairman jong ki regional committee kin sa leit sha Khanduli.
Ha kaba iadei bad ka jingpynbna ban leit hi da ki Myntri Rangbah jong baroh 2 Jylla sha Khanduli, na ka liang u Conrad u la ong ba ka jingbuhteng noh ban leit jurip lang ia ka thaiñ Khanduli kadei namar ka jingbunkam palat, namar baroh ar ngut ki Myntri Rangbah kim lait lang ha kajuh ka por, ha kaba la aiti mynta ha ki regional committee ban leit peit ia katei ka thain.