Babu Kular Khongjirem
Ka Thma kaba nangjur nang jur shuh shuh bad nang shyrkhei shuh shuh mynta halor ka mat(issue) jong ka jingshna ia ka project Ropeway ha Lum Shillong kaba hap hapoh ka South Shillong Constituency hapoh ka jinglong MLA jong I Bah Sanbor Shullai iba la bat ruh ia ka kyrdan kum u Cabinet Minister ha kane ka sorkar MDA-2 hapoh ka jylla Meghalaya hapoh jingialam ka party NPP.
Ka meeting ba khot u local MLA ka South Shillong mynnin ha State Convention Centre ban ia kren bad iatai bniah halor ka Ropeway project ha Lum Shillong ka la shu kut la ka kut da ka huri-hura bad khlem poi shano shano ruh(hangs in the balance).Baroh ar mamla,kata,kiba pyrshah Ropeway hapoh ka jingialam jong ka Joint Action Committee(JAC) bad ka kynhun kyrshan Ropeway kiba dei sha ka liang sorkar ki la ia pynksan ia la ki jong ki jong ki nia( tried to justify their own arguments).Kano kaba dei bad kano kaba lait ym pat lah satia ban pynkut nia namar ka dang bteng ka jingiakhun jongki. Ka ju long hi ka rukom ba kano kano ka project kaba heh(big projects) ba la leh ne plan ka sorkar ka ju don lang beit kaba bha (advantages) bad ka jingktah (disadvantages) na kata ka jingtei ne project. Ka jingia pyrshah paidbah(people movement) ka ju jia hi man la ki jaka kylleng ka pyrthei ym tang hangne ha ri India ne Meghalaya jongngi.Tangba,lada ki jingpyrshah paidbah( mass movement) ka jop,ka sorkar kan hap pyndem ne pynkut noh ia kum kita ki project.Don ruh ki project kiba jop ka sorka.,Ka sorkar ka rat naphang lin da ki bor pulit ne bor shipai khlem salia shuh iano iano ruh.Kane ka jia kylleng ka ri India,la ha nongbah Delhi,Mumbai,Kolkata ne wat ha Assam,ka State ba don marjan bad ngi.
Hynrei kaba kham ktik eh ka dei ka kam elekshon ha Shillong South Constituency jong i Bah Sanbor Shullai.Kiba pyrshah Ropeway ki la kynther tyngeh ban pynrem elekshon noh ia utei u local MLA jongki bad ban ia jied noh da uwei pat.Katba u local MLA jongki pat(Bah Sanbor Shullai) u la kren shai lyngba ki lad pathai khubor ba kane ka project Ropeway ha Lum Shillong kan pynlong ia u ba un nang tam bun shuh shuh lada wan ka elekshon ban jied nongmihkhmat(MLA) na katei ka constituency.
Ka la dei ka por ban pynia leh Elekshon thamula(mock MLA election) noh mynta na katei ka South Shillong ha kane ka por khnang ba ngin ia tip shai lang kdar mangi ki riew paidbah mano ba jop bad mano pat ban liem ha kane ka kam.Kiba jop ha ka elekshon thamula(mock MLA election) na katei ka constituency ha kane ka por, kin long shisha ki nong jop ha kum kane ka mat kaba ktah mationg shisha ia ki paidbah nongshong shnong (burning issues) jong ka ri bad ka jaitbynriew jongngi.