Shillong: Ka KJP Assembly ka la ong ba ka jingpyllong ia ka Gospel Concert ka dei kaba leh hi ka Assembly bad kam dei ka jingiatreilang bad ka sorkar hynrei ka KJP Assembly ka shu pan jingkyrshan pan jingiarap na ka sorkar jylla.
Haba kren mynta ka sngi sha ki lad pathai khubor, u Rev. S.Diengngan u Administrative Secretary KJP Assembly ula ong ba ki paid riewngeit kim dei ban kulmar jingmut kumba ki iohi ia ki jingthoh halor kane ka gospel concert.
Ula ong ba ka KJP Assembly kam tip ruh kumno bad katno ka sorkar kan iarap hynrei ka shong ha ka sorkar kumno ka iarap.
Lah ban kdew ba ka Gospel Concert kan long ha ka 12 tarik Nohprah ban wan ha kaba ka kynhun nongtem ka Maverick City Music kan pynlynguh thui iaki riewngeit Khristan ha madan Polo.