Shillong: U myntri ka sorkar jylla uba iasoh sha ka BJP lem bad kiwei, u bah Lahkmen Rymbui ula pynphai kylla ia ka jingmih ka jingkynnoh na uwei u nongialam balang pyrshah ia ka jingleit iasoh jong ki 8 ngut ki MLA ka UDP sha ka BJP.
Haba kren sha ki lad pathai khubor, u bah Lahkmen ula ong ba ki don kiwei ki rangbah kiba ki briew ki burom, ki kdew kti ia ka jingleit rung ki MLA sha ka BJP kumba kila kham tip ma ki ia kiba rung. Ula ong ba ka jingleit rung sha ka BJP, ka dei na ka bynta ka jingeh ka ka jylla, ka jaitbynriew, na ka bynta ka roi ka par. Wat ju buh wat ju thew ia ki briew na ka bynta kata khlem da tip ia ka jingshisha. Ula kyntu ia ki nongialam niam ba kin duwai lem ba kin ioh ia ki mat, ym ban kynthoh namar ba naduh 2013, 2018 ki don bun ki jingpyniasoh hynrei ynda la ba kila iasoh sha ka BJP ki kynnoh lai phew jait kam long kaba iahap.
Baroh ki dei ki Khasi, ki don ka jingngeit la kajong, bad ka donkam ban duwai lem na ka bynta ka jingeh jongka jylla ban ioh ia ka jingangnud ki paidbah.
Don kiwei ki rangbah ba kit niam ba kdew kti ia ka jingiasoh jong ngi sha ka BJP, kumba kham tip maki ia ngi: Lahkmen
