Shillong: Ka bor district ka Eastern West Khasi Hills ka la pyllong ia ka jingjurip iaka jaka ha Markham, ryngkat u MLA ka thain bah Shakliar Warjri shi bynta ban pynkhreh ia ka tamasa kaban long ha ka 16 bad 17 tarik Risaw 2026.
Ha kane ka sngi Nyngkong, ka 22 tarik Nailur 2026, u MLA bah Shakliar Warjri, ka DC kong Anita Kharpur, u SP bah GW Lyngdoh lem bad ki nongmihkhmat ka Kur Lyngdoh Nonglait bad ki nongkitkam shnong ka thain Markham, kila hiar sha ka them bad ki pyntha ka Markham ban pynkhreh ban pynbit pynbiang ia kane ka tamasa.
Ka Markhem Valley ne ka Them Markham ka dei kawei na ka jingshna ka mariang kaba pawnam bha ban khring ia kiba wankai na ka jingitynnad ka mariang sawdong jongka.
Kane ka tamasa kam dei tang ban byrngia hynrei ka dei ka lad ban kyntiew ia ka kamai kajih bad ka ioh kam ioh jam jong ki briew ka thain na ka kam jngohkai pyrthei.
Ka tamasa ha ka ri ba kynjai tam ka mariang ha Markham
