Shillong: Ka BJP Meghalaya lem bad ki tnat ha ka ri baroh kawei, kan rakhe shi bnai kynthih kum ka jingai burom ia ka sngi kha u Myntri rangbahduh ka ri u Narendra Modi, bad ka jingdap 25 snem ka jingshakri jong u ha ka sain pyrthei naduh ba u long kum u Myntri Rangbah ka Gujarat ha 2001 haduh mynta kum u Myntri Rangbahduh ka ri India.
Ka jingrakhe kan long naduh 17 tarik Nailur haduh 17 tarik Risaw da kaba pyllong ia ki prokram, bapher bapher ha kylleng ki jaka ha ka jylla.
Kan pyllong ruh ka jingthung dieng, ka jingpynkhuid ia ki wah ki shnong bad kiwei.
Ia kane la pyntip u President ka BJP Meghalaya u Rikman Momin bad u General secretary bah Wankitbok Poshna.