Shillong: Ki nongrep ri sniang ka jylla kila wan iaid rally mynta ka sngi na Civil Hospital, Shillong sha madan Malki, shi bynta ban pynsngew ia ki jingeh jongki.
Ka jingiaid rally ka la sakhi ia ka jingpah ki sniang arted namar ba ki nongrep kila wanrah lang bad ki sniang, ban pyni bad pyntip sha ka sorkar ia ki jingeh jongki. Ka jingeh ka dei ka jingdap ram ba la shim na ki bank lyngba ka Piggery Mission na ka jingiap ki sniang bai oh pang African Swine fever, nalor ka jinghiar ka dor ki mar rep.
Ia ka jingïaid paidbah la khot pynlong ka Hill Farmers Union, ha kaba la wan shim bynta 100 ngut ki nongrep namar ba ka bor district kam shah ban iaid palat ia ka 100 ngut.
Ki nongrep ki la ong ba kila shah beh ram ha ki bank man u bnai hynrei kin siew daei haba ki sñiang ha sem ki la ïap lut.
Kila dawa ba ka sorkar ka dei ban thaw lad ban iarap ia ki nongrep bad ban thaw ïa ka Agricultural polisi na ka bynta ki nongrep.
Kila byrngem ba lada ka sorkar kam sngap, kin sa wan biang sha Shillong bad kin wanrah ia ki sniang ban pyllait ha phyllaw syndon ka Secretariat khnang ba ka sorkar kan sngewthuh ia ki jingeh ka jingsuhsat ki nongrep.
Ia ka HFU la ialam u President bah Commander Shangpliang bad u Secretary bah Alfonse Kharsyntiew.
Pah ki sniang na surok Civil sha Malki ba dap ram ki nongrep, yn pyllait sa ha secretariat
