Shillong: Ka jingsngewthuh ia ka synshar khadar I kumba ka la nang hiar ha kine ki sngi haduh katta katta bad khnang ban wanrah ia ka jingpynsngewthuh ia ki paidbah ban don ka jingkitkhlieh bad ka jingsngewthuh, Political Affairs Committee (PAC) ka Mawkynrew hapoh ka jingialam u MLA, MDC barim u bah Martle N Mukhim ka la pyllong ia ka jingiathir halor kane mynta ka sngi ha Maw u Sam.
Haba kren ha kane ka jingialang, u bah Martle ula ong ba ka jingkordor ka jingsynshar paidbah u Khasi, ka la khring ia u Pandit Jawahal Nehru bad u Sardar Valabhai Patel ba kin wan iuh kjat ban mad ban sakhi ia ka jingkynsai ka synshar paidbah u Khasi.
Ula kyntu ba ym dei ban lehkai, ban kyrdem ia kane ka spah ba kynsai ka jaitbynriew tang ha ka bor jong ka pisa.
U bah Martle ula ong ba lada ki paidbah kim kyndit bad shim khia, kan poi ka por ba lada jaw ummat ruh kam myntoi kam poi shuh shano shano jong ka jaitbynriew bad u la ong ba kumba la thoh ha ka bible ba u Blei u long uba donbor ha kiei kiei baroh hynrei ia tyngkhuh bad u soitan.
Ula khot ia ki paidbah ban shim ia ka jingsynshar paidbah kaba donkam katta katta bad ban pyndonkam hok ia ka.
Ia kane ka PAC la thaw ha u 2024 na ka bynta ka thong ban long ka shlem jinghikai ia ki paidbah kumno ban jied ia ki nongmihkhmat da ka jingkitkhlieh bad ka jingshisha ban iakhun ia ki jingsniew.
U Blei uba don bor ia kiei kiei baroh hynrei bunsien iatyngkhuh bad u soitan, ong bah Martle
