Shillong: Ka KSU CEC ha ka 4 tarik u Nailur 2026 ka la shong iaka jingialang pyrkhat kam ha ophis treikam ka seng ban ia kren halor ki mat ba la pynsgew sha ka sorkar bad ruh ban pyrkhat kumno ban buddien ia kiei ba ka sorkar ka la kular ha khmat ka seng ha ka jingiakren kaba long ha ka 26 tarik u Nailar 2026 ha Secretariat. Ha ka jingialang ka CEC ka la rai ban iai buddien iaki 5 tylli ki mat kiba ka sorkar ka la kular ha khmat ka seng ha kine ki taiew ban sa wan, bad kata ka long ban buddien khatam iaka Falicitation Centre ha Umling bad Ratacherra bad ruh ka jingpyntreikam iaka Migrant Workmen Act kumba la iakut 20 sngi.
Ka seng ha kane ka jingialang bad lyngba kane ka kyrwoh ka pynpaw ruh iaka jingsngew bitar halor ka jingshah thep case ki nongialam ki jong ka kum jan man ka sngi bad khamtam iaka jingshah kem u Samuel Kharbani uba long u GS ka KSU Shillong Mihngi Circle ha kaba ka jingshah khot ka jong u sha sardar ka dei na bynta ka jingpyrshah jur ka seng halor ka jingtei mandir beaiñ hapoh ka CBI ophis kaba long ka office sorkar bad jong u paidbah hynrei ka sorkar pat ka dung nadein iaki dkhot da kaba pharep klumar bad kem bad thep case ha ka jingjia ha ka jingiaid peaceful bike rally ka seng haka 19 tarik.
Ka seng ka seng ka buh jingkylli ia ki pulit, hato ki lah kem ne em tang uwei u briew uba pynjulor kali uba tih iaka surok paidbah bad uba don kti ha kane ka thombor iaki paidbah ba leit pyrshah iaka public hearing ha ka janmiet jong ka 30 bad step jong ka 31 tarik u Naitung ba long ka public hearing ka Shree cement ha lum syrman Elaka Nongkhlieh.
Ka ain ka dei ia baroh bad ym don mano mano halor ka ain balei ka noh shiliang tang iaki dkhot ka seng ba tang ka sakhi sabut kim don hynrei ki kem naphang.
Halor kane ka seng kan nym shong kli kti bad ka ai iaka sorkar 3 sngi ban kem noh ia kine ki briew ba don kti bad wat iaki briew sorkar ruh kiba lah ban don kti lym kumta ka seng kan hap ban pyrkhat da kiwei pat ki lad ki lynti hadein kane ka por ba la buh.
Ka seng da ka rai rangbah ba lada ym urlong kine ki jingdawa bad ba lada ka sorkar kam pyni dak pyni shin iaki mat jingdawa kin treikam noh mar mar ka seng kam banse ban weng iaka temporary suspension ban iakhih kumba la pynbna ha ka 26 tarik u bnai ba la dep bad kan bteng biang iaki jingiakhih nangne sha khmat.
Kane ka long ka kyrwoh na u samla Pynshaiborlang Rani, u Asst. GS ka KSU seng kmie.