Shillong: Ka Congress ka la kynnoh ba ka BJP ka la pynap shrip da ka ain Foreign Contribution Regulation Act (FCRA) da kaba thmu ban wanrah da ka jingpynkylla ia kane ka ain, khnang ban khang lad ia ka jingwan ka jingiarap pisa nabar ri sha ki kynhun niam bapher bapher kynthup ki Balang Khristan.
Ka sorkar India ka la pynkhreh ban wanrah noh ia ka FCRA ha Parliament ha kane ka taiew ban wan, ban syngit noh ia ka jingwan ka pisa nabar ri khlem kano kano ka lynti kaba shaid, kaba tip kumno, bad shano yn pyntreikam ia ka pisa, kaba la ai sha ki kynhun niam bapher bapher.
U General secretary ka Meghalaya Congress bah Manuel Badwar ula ong ba kane ka ain ka thmu ban knieh lut ia ki institution kiba seng ki Khristan kum ki skul, ki kolej, ki hospital bad kiwei kiwei lada slem ban pynbiang ia ki kot ki sla tang shi khyndiat ruh.
Ka sorkar India ka pynkhreh ban pynkylla ia kane ka ain na ka bynta ban tehlakam ia ka jingioh pisa ki seng ne ki NGO nabar ri kiba pyndonkam bakla ia ka jingthmu, kaban buh ruh ia ka jingma ia ka jingshngain ka ri na ka jingbei pisa ban pynshit ia ka jinglong tylli ka ri bad tang kiba biang bad kiba dei hok, kin ioh jingiarap pisa hynrei lada ki pyndonkam bakla, ka sorkar India kan don ka bor ban kurup noh ia kata ka tiar ne ka lah ban pynduh ia ka License ia kata ka seng.
Pynap shrip ka BJP da ka FCRA ban knieh lut ia ki jingdon jingem ki Balang Khristan, kynnoh ka Congress
