Shillong: U symbud myntri rangbah ba peit ia ka tnad ka leit ka wan, ka kit ka bah, u bah Sniawbhalang Dhar ula ong ba ka sorkar ka la bthah ia kiba pyniaid ia ka ‘bos jong ngi’ rong jyrngam, ba kin sumar bha bad ban ai jingkhein ruh kaba shai.
U symbud myntri rangbah ula ong ba ka sorkar kan wanrah shuh sa 15 tylli ki bos jong ngi, ha u bnai ban wan ban pyniar ia ka jingshakri jong kine ki bos ban pynsuk ia ka leit ka wan jong ki paidbah ha sor bad khap sor Shillong.
U bah Sniawbhalang ula ong ba ka jingpyniaid ia kine ki bos jong ngi, ka long kaba khampher bad kham paka khnang ban lait na ka jingjia kumba la mad ia ka ki bos saw ha kaba bun kila hap ban shong noh bad jot noh tang shipor.