Shillong: U myntri rangbah ka jylla u Conrad K Sangma ula shah ktah mationg tiaw ha ki nongshet ja sngi jong ki skul, kiba la pyllong ia ka jingrah plakad hakhmat ka 5 star hotel, ka Courtyard by Marriott, ha Khyndai Lad mynta ka sngi.
Kine ki nongshet ja sngi ha ki skul hapoh ka lama ka Union of Cook-cum-Helpers kiba hap ha ka PM POSHAN Scheme ha Meghalaya ki la rah plakad shrak ha kaba ka Myntri Pla Tyngka ka Nirmala Sitharaman ka don jingïalang.
Kane ka jingrah plakad ka la ktah mationg ia u myntri rangbah u Conrad Sangma haduh ba un leit ban iakren ia ki.
Ka Union ka la dawa ban pynkiew noh ïa ka jingsiew jong ki kaba la shu neh sah kumjuh mynta la 20 snem.
Ka nongïalam jong ka kynhun ka Kong Gena Nengnong, ka la kyrmen ba ka Sorkar Pdeng kan sngap ïa ka jingdawa jongki. Ka jingdawa ka long kan kyntiew noh ïa ka jingsiew na ka 900 tyngka shibnai sha ka 9000 tyngka shibnai, namar mynta la 20 snem kam don satia kano kano ka jingpynkiew ïa ka jingsiew.
Shah ktah mationg u Conrad | hakhmat 5 star hotel rah plakad ki nongshet ja
