Shillong: U President ka NPP uba dei ruh u symbud myntri rangbah ka jylla u bah Prestone Tynsong ula ong ba ka jingkdew kti kiwei kiba pyrshah ia ka NPP ka long bym long shuh ban iakren.
Haba kren ha ka sngi Thohdieng ha Saitsohpen ban ialap elekshon ia u kyrtong MP ka NPP u Dr. DRL Nonglait, u bah Prestone, la ong ba ialade um sngew eiei lada shah kawang ha kiwei hynrei ym lei lei namar ba la rben ki snieh, lada iakhyrwit hynrei kaba sngew tieng ka long ioh ba pynsngew sih ia u Blei.
U la ong ba ha ka jylla man ka sngi kumba 500 tylli eiei ki ejahar kiba la ioh pdiang ki pulit na ki paidbah bad kita ki ejahar ki dei ba shah thok ha ka social media, kiba shah shet shukor, kiba shah pynbiej ban ai pisa 10 hajar ban ioh san lak hynrei ka dei ka jingshah thok.
Ula ong ba ka Social media ka dei kaba bha ha kawei ka bynta bad kaba sniew ha kawei ka bynta lada ym nang ban pynbha. Ka social media ym dei ba shah thok pisa hynrei ban pynsngewthuh bakla ruh kaba ktah ia ka jabieng ki khun samla.
Ha kajuh ka por, ula ong ba baroh ki party kiba bha suda hynrei u briew pat u bha ne em, bad ula ai nuksa ha 2013 ka mih ka Aam Admi Party bad ka la sar ha Delhi ha 2015 bad ha 2020 ka jop hynrei ha 2025 ka jah lynti syndon.
Ula kyntu ia ki paidbah ban ai ka jingkyrshan ba radbah ia u kyrtong ka NPP u Dr. DRL Nonglait ba un iasaid ia ki mat ki jura ka jaitbynriew kum ka ktien Khasi, ka Inner Line Permit (ILP) bad kiwei kiwei ki mat.
Ngi la rben ka snieh, iakhyrwit ym lei lei|husiar ia ka social media ioh hap leit sha police station: Prestone
