Shillong: U kyrtong MP ka VPP u Dr. Batskhem Myrboh ula ong ba ula wan iathuh uwei u rangbah ba ha kawei ka longïing, ki ioh kam sorkar haduh 4 ngut khlem ialeh eksamin.
Haba kren ha ka jingialang paidbah ka VPP ha Mawlai ha ka sngi Palei, u Dr. Batskhem ula ong ba kane ka dei ka jingthungkam ka sorkar NPP, ka don ka jingleh shiliangkhmat. Na kane ka daw, ka VPP ka la buh thong ban pynkhuid plain ia ka jingthungkam beain ha ki tnad sorkar.
U la ong ba ka VPP ka ieng na ka bynta kito ki bym don ka sur kiba shah noin bein ha ki briew kiba don ha ka bor, ai ba kiwei kin kynnoh kin kynthoh hynrei kum ki nongialam kin ym sngap namar ba ki tip ia kaei kaba la thmu na ka bynta ka jingmyntoi jong u paidbah.
Ha ka sorkar NPP, 4 ngut na kajuh ka longiing thungkam, ong u kyrtong MP ka VPP
