Shillong: Ki longkmie BJP Meghalaya kila pynrem jur bad khie bitar lep ia ka liangpyrshah kynthup ia ka Congress, ka TMC, DMK, SP kiba la pyrshah ia ka Women Reservation Bill ne ka ain bhah ia ki kynthei ban long nongthawain sha Lok Sabha bad ha Assembly.
Shi bynta halor kane, ka BJP Mahila Meghalaya ka la pyllong ia ka jingialang bad pynshai paidbah ha West Jaintia Hills mynta ka sngi, ha kaba ka President ka kong Arena Hynniewta ryngkat kiwei ki nongialam kila hiar sha katei ka jaka ban iamir jingmut bad ki nongialam.
Ka kong Arena ka la pynpaw ia ka jingsngew diaw bad ka la pynrem jur ia ka Congress kaba la kyntait ia kane ka Bill kaban pynkup bor ia ki kynthei. Ka la ong ba lada don kham bun ki kynthei, ka iing dorbar kan kham long jai jai bad kham shngain.
Ha kajuh ka por, ka la ong ba ka jingphiah ia ki konstitwensi kan kham ai jingmyntoi shuh shuh ia ki paidbah namar ba yn don kham bun ki MLA bad MP ruh.
Ka la pynrem ia ki liang pyrshah kiba lah pynduh ban pynlong ain ia ka bhah 33% ia ki kynthei ha ka ri.
Lada don bun ki kynthei ka iing kham long jai jai:President ka BJP Mahila | bitar ka BJP ia ki liangpyrshah
