Shillong: U nongialam ka BJP uba peit peit ia ka Meghalaya u Anil Antony ula ong ba ka jingwan rung beain ki briew nabar khamtam na Bangladesh, ka dei kaba sngew khia jur bha.
Haba kren sha ki lad pathai khubor, u Anil ula ong ba u myntri rangbahduh ka ri, u myntri ka tnad kam pohiing kila pynpaw ia ka jingsngewkhia jur ia ka jingwan rung beain ki briew sha ka ri bad kila shim ruh ia ki lad ki lynti ban tehlakam ia kane ka jingma ia ka ri kum ka jingker sainar shiah ha khappud.
U la ong ba ka BJP kan sa pynthikna ban khang lad ia ka jingma na ka jingwan rung beain ki briew na Bangladesh.
Ha kajuh ka por, u la ong ba ka Special Intensive Revision (SIR) ka dei kaba don katkum ka riti synshar ka ri bad kam dei kaba leh khyllah mynta ka kynti hynrei la ju leh ruh ha ki snem ba la leit.
U la ong ba ka SIR ka dei ka sienjam ban pynbeit ia ki kyrteng, kiba kynriah jaka, ban plie lad ia kiba dei hok ban ioh thep vote bad kiwei kiwei ban lait na kano kano ka jingmih kyrteng ar tylli ne bun uwei u briew.
Yn pynduh jait ia ka jingrung beain ki briew na Bangladesh, ong u nongialam BJP
