Shillong: U Secretary ka Meghalaya Pradesh Congress Committee (MPCC) u bah Manuel Badwar ula pynpaw ba um pat long uba kloi ban iakhun ia ka ilekshon MP shiteng samoi sha Lok Sabha na Shillong Parliamentary.
U bah Manuel ula ong ba ka ilekshon MP Shiteng samoi kam dei kaba suk ban mihkhmat da uno uno u MP ba thymmai.
Dang shen, u bah Vincent Pala ula pynpaw ba u kwah ban sei ia u bah Manuel kum u kyrtong na bynta kane ka ilekshon shiteng samoi.
Halor kane, na ka liang u bah Manuel ula ong ha u shimet u sngew ba ka long kaba dkoh bha ia u ban leit shathie namar ha ki ar snem kan long kaba eh ban buddien ia ki mat ka jylla.
Ula ong lehse lada u poi sha ka thong ruh u hap ia pyrkhat kham bniah, namar sa tang arsnem un leit sha Delhi tang ban ioh jaka sah ruh kan shim por da ki 6-7 bnai bad kan shim por ban leit shathie ban pynithuh ia ki MP bapher bapher, hashwa ban rah ia ki mat ka jylla.
Ula ong ba kaei kaei ka mat ba la rah ki MP mynshwa, kadei ka kamram jong kiwei ki MP ban buddien ia ki mat ba sahteng.
Ha nga shimet nga sngew ka long kaba dkoh bha ianga ban leit shathie namar ha ka ar snem kan long kaba eh ban buddien ia ki mat ka jylla,” ula ong
Ha kajuh ka por, ula ong ba watla ma u um pat long uba kloi ban iakhun ia kane ka ilekshon, hyrnei ka Congress ka don ia lai ne saw ngut ki briew kiba ibit ban iakhun bad u bah Vincent Pala udei uwei uba la ithuh bad kham shemphang bha ban mihkhmat kum u MP.
Ym treh bah Manuel ban iakhun MP, ai ksai ban iakhun biang u bah Pala
