Shillong: Ha ka miet sngi Nyngkong, ki nongialam ka Green Tech Foundation (GTF) kila pyllong noh ia ka jingbam ja hadien ka jingshah thngan ha kine ki sngi.
Ki dkhot ka GTF kynthup u Chairman bah H. Bansiewdor Nonglang bad u Secretary General bah Retre Lyngdoh kila pyllong ia ka jingshah thngan ban dawa ba ka sorkar ka dei ban pyndam noh ia ka soskular ban tei hotel rem dor halor u Lumpongdeng ha Umiam.
Hadien ba ka sorkar ka la pynbna ba ka la rai ban pyndam ia ka projek halor u Lumpongdeng, ki nongialam bad ki dkhot ka GTF kila pynpaw ba ka dei ka jingjop ia ka jingiakhih jongki hynrei kin iai buddien ba ka sorkar ka dei ban bat ia ka kular.
U chairman ka GTF bah Bansiewdor ula ong ba hadien ba kila ioh ia ka jingthoh ba ka sorkar ka la pyndem, kila sangeh noh ia ka jingiakhih shah thngan bad kila sdang ban bam ja noh naduh mynta ka miet.
Kila ialum noh ruh ia ki tiar ki tar na jaka shah thngan ha madan Malki hadien ba la ioh ia ka jingthoh na ka sorkar.
Mar synjop, bam ja noh ki dkhot ka GTF ba shah thngan
