Shillong: Ha ka jingiakren bad ki katto katne ki briew kiba wan ai ka jingkyrshan ia ka jingiakhih ki nongialam ka Green Tech Foundation (GTF) mynta ka sngi ha madan Malki, kila pynpaw ba ki long kiba kloi ban ai jingkyrshan ia kano kano ka party ne u riew shimet haba ki ieng na ka bynta kaba dei bad kaba shisha.
Kawei ka longkmie kaba wan ai mynsiem ia ki dkhot ka GTF, ka la ong ba ka la leit kylleng ki ri, kum sha USA, sha Thailand ka la iohi ia ka jingma lyngba ka Spa bad kan long kaba ma, kaba shyrkhei lada ka jinglong jingman kan long kum ha USA, ha Thailand.
“Nga la leit kylleng ki ri ka pyrthei kum sha USA, sha Thailand bad kiwei, nga la iohi ia ka jingma bad ka jingshyrkhei na ka Spa bad kaei kaban jia lada ha kane ka jylla kan long kum ha USA, ha Thailand, ki kmie ki kpa kin sa iam kyang ban wad shaei ki don ki khun”, la ong kane ka longkmie.
Ha kajuh ka por, ki nongialam ka GTF kila pynpaw ba kumba ka seng ka la ieng ban iakhih haduh ban ioh ia u soh, kin bteng beit ban iakhih. Bad ha kajuh ka por, kila sngew tynnad ba ka seng VPP ka la mih shakhmat ban khot jingialang ban rah ia kane ka mat nalor kiwei bad ki sngew ioh mynsiem halor kane kaba iadei bad ka jingdawa jongki. Kila kyrpad ia ki paidbah ba kin pynurlong ia kane ka mat kumba la iakhih ka GTF.
Ka jingshah jingit jong u Chairman ka GTF u bah H. Bansiewdor Nonglang kala iaid sha ka 11 sngi katba u Secretary General bah Retre Lyngdoh ka la iaid sha ka 2 sngi shimiet, ha kaba ka sorkar ka dang leh mynthi haduh mynta khlem pyndam ia ka soskular kumba la dawa. Ki nongialam ka GTF kila kyrmen ba u Blei un leh ia ka kam ba phylla halor kane.
Lada long kum ha US, ha Thailand, ki kmie-kpa kin iam kyang ban wad ia ki khun, ther ka longkmie
