Shillong: U myntri rangbah ka jylla u Conrad K Sangma ula pyntip mynta ka sngi ba ka sorkar jylla ka la rai ban ithuh ia ka ktien Khasi bad Garo nalor ka phareng ban pyndonkam ha ki kam sorkar.
Haba pyntip halor kane, u Conrad ula ong ba u sngew kmen ban pyntip ia ki paidbah ka jylla ba ka cabinet kala rai kaban sah kynmaw junom na ka bynta ki samla ka jylla ban kyntiew ia ktien.
Ula ong ba ka cabinet kala mynjur ia ka Meghalaya Official Languages Ordinance 2026 la mynjur. Kane ka mut ba nalor ka ktien English, ka ktien Khasi bad Garo yn ithuh bad kren bad pyndonkam ha ki kam sorkar.
Ula ong ba ka sorkar kan wanrah ruh ia ka jingpynkylla ia ka Meghalaya State Legislature Act 1980, ban ailad ia ki MLA ban kren Khasi bad Garo nalor ka phareng hapoh ka iing dorbar.
Ki samla kin sa ioh lad ruh ban thoh eksamin da ka ktien Khasi bad Garo kaban iarap shibun ia ki.
Hynrei kane kan dang iaid ha ka jingpynkhreh. Kane ka dei ruh shi bynta na ka jingdawa ban ithuh ia ka ktien Khasi bad Garo ha ka khyrnit ba phra ka Riti Synshar ka ri India kumba la mynjur ka dorbar ha ki snem ba la dep.
Ula ong ba kito kiba hap ha Khasi-Jaintia bad ka Garo Hills kan don ka jingpynbna la kajong.
Watla kan don ka jingdkoh hangne hangtai hynrei kaba bun kan long ka jingmyntoi ia ki paidbah ka jylla.
Mynjur ka cabinet ban ithuh ia ktien Khasi bad Garo ha ki kam sorkar nalor ka phareng
