Shillong: U myntri rangbah ka jylla u Conrad K Sangma ula pynshai paidbah halor ka jingshna ha lum pongdeng ba kam don kano kano ka jingshna junom hynrei kan dei tang ka jingshna ïing dara kaba shipor katba dang don ka prokram.
Kane ka jingpynshai u Conrad ka long hadien ba ka seng Green-Tech Foundation ka la pyllong iaka jingiakhih shah thngan mynta ka sngi hakhmat phyllaw ka Secretariat ban pyrshah iaka jingshna hotel ka sorkar halor utei u lum haduh ba ki nongialam kila shah tan noh ha ki pulit.
U Conrad ula ong ba ka sorkar ka la iasoi ia ka jingiateh bad ka tnad Tourism Department da kaba kdew shai bha ban ym shah ban pynieng ia ki jingtei kiba neh junom ha katei ka dewlynnong.
Ka jingshna mynta ka dei kaba tang shipor kum ka shamianas, pandal bad ki dukan kiba lah ban weng noh tang hapdeng katto katne sngi hadien bala kut ka prokram.
Ula pynthikna ba kam ym don kano kano ka jingktah ia ki mrad ki mreng ki sim ki doh ha katei ka dew lynnong.
Shu shna ïing dara shipor ha Lumpongdeng, pynshai u conrad
