Shillong: Ka seng Khun Hynniewtrep National Awakening Movement (KHNAM) ka la aiti da ka dorkhas ha ka ophis u CEM ka Khasi Hills Autonomous District Council (KHADC) ba dei ban pynkylla ia ka AD Rules kaba 8 bad 128 ka Assam and Meghalaya Autonomous Districts (Constitution of District Councils) Rules, 1951 kaban khang lad ia kiwei ki riewlum kiba don Schedule Tribe, ym tang ia ki bar jylla ne Non-Tribal.
U Working President ka KHNAM bah Thomas Passah ula ong ba u bym dei u Khasi, um dei ban ioh ban iashim bynta ha ka elekshon ha Khasi Hills Autonomous District Council bad ha Jaintia Hills Autonomous District Council.
Kane kan pynskhem namar ba lada ong tang kiba don Schedule Tribe kam ym long kaba shngain bad dei ban pynbha ia ka ain 100 percent.
U la ong ba la dep ai shithi bun tylli sha ka KHADC bad ka KHNAM ka ai por shiphew sngi ban pynthikna ba ka Executive Committee kan pynurlong ia kane lym kumta, ka seng kan shim da ki lad jingiakhih.
10 sngi ai por ka KHNAM ia ka KHADC, u bym dei u Khasi ym dei ban ailad ha District Council, ym uba don ST
