Shillong: Nalor ka sorkar MDA, ka Khasi Students Union (KSU) ruh ka la kynduh ia u myntri ka tnad kam pohiing ka ri u Amit Shah ha ka jingwan jong u sha Shillong mynta ka sngi.
Ka jingkynduh jong ka KSU ka long ban dawa ba ka sorkar India ka dei ban ai noh ia ka Inner Line Permit (ILP), kumjuh ia ka ktien Khasi ha ka khyrnit ba phra ka riti synshar ka ri.
Hynrei katkum ka jingiathuh u President ka KSU samla Raymond Kharjana na ka liang u Amit Shah um kren shai eiei halor ka ILP bad ka jingkren ka long kaba sah ha umdum.
Ia kane ka juh ka mat, ka sorkar ruh lyngba u myntri rangbah u Conrad Sangma ula aiti biang ia ka dorkhas ha u Amit Shah. Na ka liang ka sorkar ka la kyrpad ia ka sorkar India ba kan pdiang ruh ia ka ain shongwai ne ka MRSSA nalor ka ILP. Kiwei pat ki mat ba ka sorkar ka la buh hakhmat u Amit Shah ka long ka jingithuh noh ia ka ktien Khasi, Garo ha ka khyrnit ba phra ka riti synshar ka ri, ka jingpynurlong noh ia ka jingpynkylla ia ka 6th Schedule ka riti synshar ka ri, ka jingpynjynsur ia ka thmu ban pyrkhing ia ka ain Foreign Contribution Regulation Act ne (FCRA).
Na ka liang ka Khasi Author Society (KAS) ruh hapoh ka jingialam u President u Dr. DRL Nonglait ka la iakynduh ia u Amit Shah ban pynsngew ia ka jingdonkam ban ithuh noh ia ka ktien Khasi ha ka khyrnit ba phra ka riti synshar ka ri.
Dawa ILP ka KSU, MDA kynthup ka KAS ia ka ktien Khasi na u Amit Shah
