Shillong: Ka FKJGP Riwar Mihngi Circle ka la sngewkhia jur halor ka jingiaid ka jingtrei ia ka surokbah 260 jong ka Shillong-Pynursla-Dawki, kaba la buh ia ka jingsyier ia ka leit ka wan jong ki paidbah, bad kaba la wanrah ruh ia ka jingduh ki mynsiem briew.
Haba kren halor kane, ki nongialam ka seng kynthup u President ka FKJGP Riwar Mihngi circle bah Evanfield Khonglam bad u Secretary u bah Meborbaskhem Thabah kila ong ba ka seng ka la ju buddien naduh kham mynshwa ha kaba iadei bad ka jingtih ia kane ka surok kaba dang iaid haduh mynta.
Kila ong ba ka seng ka la jingmut ban khang iaid kali saw sngi, bad pyllait lai sngi ban iaid kali, khnang ban kham sted ban pyndep ia ka kam.
Ha ka jingshisha, ka seng ka la pdiang sngewbha ia ka jingwan ka roi ka par hynrei kam mut pat ban buh pat ia ki paidbah ha ka jingsyier.
Ka la kyntu ia ka kompeni bad ka bor sorkar ba kin pynthikna ba ka jingtih ia ka surok ka dei ban long kaba lait na kano kano ka jingma ia ki paidbah bad ban pynsted ban pyndep khamtam narum Laitlyngkot shaduh Mawlieh kiba dei ki jaka kiba kham buh jingma bha ia ka la leit ka wan.
Ai jingmut ka FKJGP ban khang 4 sngi, plie 3 sngi ban iaid kali sha surok Pynrusla
