Babu Kular Khongjirem.
Ka sorkar jylla hangne ha Meghalaya (MDA-2) hapoh ka jingialam jong ka party NPP ka la dei ban ai noh syndon ka jingpynbna paidbah(official notification) ba ki khynnah pule kiban ialeh(appear) ha kine ki MBOSE Exam.jongki, kata, ka Exam. SSLC( class x) bad Exam HSSLC( class xii) ka ban sa pynlong shen ha u bnai December 2026 ki dei ban ioh thoh noh ia ki jubab(answers) jongki da ka ktien Khasi na ka bynta ki Khasi(lada ki kwah) bad ruh da ka ktien Garo(lada don kiba kwah) ia ki Garo namar ba ka Cabinet Meeting dang shen kala dep mynjur(approved) ban thaw ia ka Ain rew(Ordinance) ba ki ar tylli ki ktien(Khasi & Garo), kin kylla long noh ki ktien sorkar(official languages) ha ka state Meghalaya.
Katkum ki lynti jong ka Ain,katei ka Ain rew(ordinance) ka dei ban ioh ka jingmynjur da ka Assembly hapoh 6 bnai lym kumta ka lah ban iap ne duh noh.Namar ba katei ka ordinance la mynjur ha u bnai March, ka por ba katei ka ordinance kan kut ne iap noh kan long tang hapoh u bnai September 2026 ei ei.Ka sorkar MDA-2 ka dei ban mynjur(passed) noh ha ne shwa ka Dorbar synrai(automn session).
Wat la ka lynti iaid jong kane ordinance ka la iaid shakhmat( ordinance under process), hynrei ka sorkar jylla pat ka la dei ban ai jingbthah(directed/instructed) noh lypa ia ki bor Pyniaid Exam, kata,ka Meghalaya Board of School Education (MBOSE),Tura ba ka dei ban ai lad noh ia ki khynnah Khasi bad Garo(lada don kiba kwah) ban jubab ne thoh noh da kitei ki ktien la jong(Khasi &Garo) ia ki khynnah kiban ialeh ia ka MBOSE Exam. jongki, la ka dei ka kyrdan(level) SSLC ne HSSLC.Kane kan iarap shuh shuh shibun ia ki khynnah ba kin kham pass bha ban ia kaba shu phah pyn pass matlah ne pyn pass kulmar kumba kwah kane ka sorkar ban kham pynbun ia kiba pass. Ki khynnah kiba kham tlot(weak) ia ka English la ka long ha sor ne ha nongkyndong ki lah ban jubab bha(expressed) lada ki ioh lad ban thoh da ka ktien lajong. Tangba,ka MBOSE ka dei ban ai lypa kawei ka column ha ka application form ba ki khynnah ki dei ban jied lypa(choice) la ki kwah ban jubab da ka ktien Khasi/Garo/English,etc ha ka por ba ki pyndap (online application) khnang ba ki jaka ialeh Exam.(Centre of Examination) kin tip lypa ban song(packed) ha la ki jong ki jong ki ktien(different languages) ban kham suk ka jingpynbeit paper(evaluation/correction) ia ki nongialeh exam.(candidates) jong ka MBOSE.
Lada ka sorkar kam phah sdang noh myntra u snem 2026 ban thoh ne jubab da ka ktien Khasi/Garo( state official languages), kam don jongmut kata ka jingsngew sarong jong ki nongsynshar(Ministers) ba ki la sngew khain ba ki la dep mynjur ia kata ka ktien sorkar(Official languages) khlem pyntreikam shisha pat ia ka(in letter and spirit).
Kan long ruh ka jinglehrain bad jingjah burom ia kane ka sorkar MDA-2 haba wat ki Central Board kum ki CBSE,ICSE,etc.ki la mut ban ai thoh jubab noh (answer) da ka ktien Khasi ha ki Exam jongki.Lada ka ktien Khasi/Garo ka la ioh rung lei ha ka Khyrnit kaba phra(8th Schedule) jong ka Riti Synshar ka ri India(Indian Constitution), ki exam.thep kam ba heh(competition exam.) kum ki IAS,IPS,IFS,etc. jong ka ri India ki la lah ban thoh da ka ktien Khasi/Garo wat lada ki ialeh Exam(appeared) sha Delhi,Kolkata,Mumbai,etc. Ka sorkar ka dei ban sdang noh ban pyntreikam wut wut ia katei ka Ain rew(ordinance), da kaba sdang shwa na skul lyngba ki exam.paidbah(public exam) jongki ha kane ka SSLC/HSSLC 2026.
Dei ban ai lad noh ia ki khynnah pule SSLC/HSSLC ba kin thoh noh da ka ktien Khasi/Garo ha ki MBOSE Exam 2026
