Shillong: Ka thain Sohra, Shella ka dei kawei na ki jaka ka Ram Krishna Mission (RKM) kala iuh kjat ban seng ia ki skul ha kane ka ri Khasi-Jaintia.
Hynrei kawei ka skul jongka, ka la khang khyrdep noh la bun snem ha ka shnong Rngimawsaw ha ka thain Sohra, na ka jingbym biang ki nonghikai ha kito ki por.
Ha ka jingshisha, kane ka skul ka la ai ka jingshakri kaba nyngkong eh ha ka pule puthi ia ki briew ka shnong Rngimawsaw hynrei ka la jah noh bad khang khyrdep hadien ba ym ioh ia ki nonghikai kiba thikna.
Haba iathuh shaphang kane, uwei na ki riew rangbah jong kane ka shnong, uba la leit pule teng ha kane ka skul ha ka por khynnah, u bah Enjiniar Khawmawphlang ula ong ba kane ka skul ka la jan dap 80 snem eiei ha katei ka shnong. La iathuh ba la shna ia kane ka skul da ka bor jongka shnong.
Ki tiar ba pyndonkam ban shna ia kane ka skul ki dei kiba eh bha kum u diengsar uwei na ki dieng uba soi tam bad la sop da ki tin bad ker de da dewbilat.
Ha kane ka shnong mynta la don ka skul SSA bad kawei jong ka Balang Katholik.
Dam ka skul Ram Krishna ha shnong ka thain bym biang nonghikai
