Shillong: Ha ka step ka 27 tarik Iaiong 2026, ka la don ka jinghap ka khyndew bad ki maw ha surokbah Shillong-Pynursla-Dawki harum Laitlyngkot.
Kane ka jingtwa ka la wanrah ia ka jingsahkut ka leit ka wan sha katei ka jaka khamtam kito ki shnong kiba don shaneng ka shnong Mawlieh kum ka Wahkhen, Massar, Maw-ah, Pomlum, Mawkajem.
Ka surokbah Shillong-Pynursla-Dawki ka dang iaid ha ka jingpynheh haduh mynta bad ka la long ka surok kaba kham syier ban iaid ban ieng ha ki por slap na ka jinglong riar bad sharing ka jaka bad u SDO Civil Pynursla ula pynjari da kaba khang iaid kali shwa sha katei ka thain naduh rum Laitlyngkot sha Lyngkyrdem hadien ba dang shen ha kane ka taiew ba la dep, 2 ngut ki briew kila duh ei ia ka jingim na ka jingshah ban ka Bolero Pick-up jongki ha ka twa ha Mawlieh.
Namar kane ka daw, la khang ban iaid kali namar ba ka kompeni da dang mait ia u lum ha katei ka jaka ban lait na kano kano ka jingma ha ka leit ka wan.
Ka jingkhang kali ka la iaid sha ka shi taiew kynthih naduh ka 20 tarik haduh mynta ka 26 tarik bad ka jingkhang ka lah ban bteng lada ym pat dep ban tih ia ki lum ha katei ka jaka.
Dang step twa harum Laitlyngkot, dang bteng khang iaid kali na ka twa ha Mawlieh
