Shillong: Ki pulit ka East Khasi Hills kila ioh dain kuna nokot haduh 2.46 lak tyngka na 194 ngut kiba pynkhein ain katba dang niah ia ki kali bad ar shaka. Kane la long tang shimet jong ka 25 tarik haduh shiteng synia ka 26 tarik Iaiong 2026.
Ha ka kyrwoh, u SP City u D. Pandey, IPS ula ong ba kane ka jingtalasi ka long shi bynta ban wanrah ia ka jinglong tipsngi bad bud ryntih ia ki ain niah kali, ar shaka khnang ban lait ruh na ka jingma jong ki paidbah.
Kane ka jingtalasi ia ki kali, ki ar shak, la leh ha ki thain ba hap ha Sadar, Laitumkhrah bad Lumdiengjri Police Station.
Kiba pynkhein ain ki kynthup ka jingtah ïit iong, pyndait jingsawa na jingpyrsad lyer, ka jingpyndait light stai ha kali, kiba khlem kot khlem sla, bad kiba dih kyiad.
Ha kane ka jingtalasi ki pulit kila pyndonkam kumba 100 ngut ki pulit ha kylleng ki jaka ha ka nongbah.
T.2.46 lak shi miet ioh dain kuna nokot ki pulit na kiba pynkhein ain niah ar shaka bad kali
