Shillong: Ka bai kali na Pynursla sha Shillong ka la kiew sha ka T. 1000 tyngka marwei kynthup ba leit bad ba wan da ka Tourist Taxi katba ka sumo ka long T. 800.
Kane ka long namar ba ki kali ki hap ban iaid tawiar na Pynursla sha Sohbar ban mih sha Sohra ban poi sha Shillong namar ba la khang shwa ia ka surok sha Pynursla.
Ka jingkhang iaid kali sha Pynursla ka la iaid sha ka san sngi kynthih haduh mynta naduh ka 20 tarik na ka jingiap briew ha Mawlieh naba shah ban ha ka twa kaba dang tih surok ka kompeni.
Haba iakren bad ki nongniah kali kamai na Pynursla mynta ka sngi, kila pynpaw ia ka jingsohsat khait namar ba la khang bun sngi. Kila ong ba namar ba hap iaid kyllain sha Sohbar, Sohra ban poi sha Shillong, la pynkiew ia ka bai kali sha ka 500 tyngka marwei kiba leit da ka tourist taxi kaba shim por ban iaid kumba saw kynta katba ka dor na Shillong-Pynursla ka dei tang T. 200.
Ym tang ba ka la ktah ia ka leit ka wan bad ka kamai kajih jongki, ki la pynpaw ruh ia ka jingsngew ktah namar ka la ktah jur ruh ia ki nongleit nongwan khamtam kiba duk ha kaba ki don kiba thmu ban wan shim dawai sha Shillong, ki hap ban pep noh na ka jingduk na ka jingrem ka bai kali.
Kila iathuh ruh ba kiba kiew Shillong kila duna bha bad ki ioh kamai tang shisien mynstep bad da leit phai bad lada ym don briew ruh hap ban leit phai thylli.
“Ki don kiba mut ban wan shim dawai sha Sor, ki hap ban pep noh namar ba kim dap pisa na ka jingrem ka bai kali”, la iathuh kine ki nongniah kali kamai.
Ha kajuh ka por, kila iathuh ba kila thmu ban leit iakynduh noh ia u symbud myntri rangbah bah Prestone Tynsong uba dei ruh u MLA ka Pynursla halor kane ka jingbteng ka jingkhang kali kaba bun sngi, kaba la ktah jur ia ka leit ka wan bad ka kamai kajih jongki.
Lah ban kdew ba ka sorkar ka la khang iaid kali narum Laitlyngkot sha Pynursla naduh ka janmiet ka 20 tarik haduh mynta hadien ba ar ngut ki briew kila shah ban ha ka twa ryngkat ka Bolero Pick-up ha Mawlieh, kaba dei ka jaka kaba dang tih surok ka kompeni.
Ka jingkhang kali, ka long hadien ba ka kompeni ka la mait noh ia ki maw bad ka khyndew kiba la shong syier ha katei ka jaka kaba dang iaid haduh kine ki sngi, khnang ban lait na ka jingma ha ka leit ka wan.
Na ka twa ha Mawlieh, kiba duk ki pep kiew sor ba rem palat ka bai kali
