Shillong: Ki pulit ka Anti Narcotic Task Force (ANTF) mynta ka janmiet, kila hiar khynra ia ka iing sah ha Lower Rynjah, Shillong bad ha kane ka jingkhynra ka la long kaba jop ha kaba kila ioh kem ar ngut na katei ka jaka katba uwei uba la tip kyrteng kum u Rahul Chhetri ula lait phet noh bak na katei ka jaka.
Kiba shah kem ki dei ka lok u Rahul Chhetri bad u khun jongu, halor ka jingkynnoh donkti ha ka kam khaïi drok.
Ha kane ka jingkhynra ki pulit ka ANTF kila ioh kurup 23 tylli ki synduk sabon ba thep ia u drok heroin ba shong dor kumba 30 lak tyngka eiei bad kumba 2000 tylli ki dawai Nitrazepam tablet ba shong dor kumba 5 lak tyngka tam, kiba dang thmu ban pyniaid iew. Kila ioh kurup ruh 27300 tyngka ka pisa.
U SP ka ANTF u Vikash Kumar (IPS) ula iathuh ba kane ka jingioh kem dei hadien ba la pynlong ia ka jingkhynra bad talasi ha katei ka jaka hadien ba la ioh ia ka jingtip kaba thikna ia ka jingdon ki nongkhaï drok. Ia u drok la ioh kurup na kawei ka ïing hadien ba ki pulit kila khura bad sa lap ia ka jaka ba kila buhrieh bha.
Ki pulit kila pynngat ia kine ki nongkhaïi kam beain hapoh ki kyndon ain NDPS Act katkum ka ain.
Ngat 2 ngut kynthup ka lok u Rahul uba lait phet, kurup drok ba 30 lak tam, 5 lak eiei ka Nitrazepam
