Shillong: U Myntri Rangbah ka jylla u Conrad K Sangma uba bat ia ka tnad pla tyngka ka jylla, ula wanrah ia ka mang tyngka jong u snem 2026-27 jong ka jylla mynta ka sngi hapoh ka iing dorbar.
Ka mang tyngka ka long 29,293 klur tyngka katba ka jingmih pat kan long T.26,621 tyngka, ka mut ka jingduna pisa kan long T. 2672 klur tyngka.
La mang ban siew ram mynta u snem kaba long ₹2,731 bad ban siew ia ka sut pat kan long ₹1,540 klur bad ka baibam tymmen kan long ₹1,980 klur.
U Conrad ula ong ba ka jingduna pisa ha kane ka mang tyngka kaba tang 3.5 percent jong ka GSDP ka long katkum ki kyndon kiba dang biang katkum ka ain pyniaid pisa pilain.
Ki mat ba ka mang tyngka ki long na ka bynta ka iada ia ka mariang ka long
₹5,572 klur, ka mang tyngka ia ki samla ka long ₹4,824 klur bad ka jingmang pisa ban wanrah ia ka jingiaryngkat lang ha ka imlang sahlang ne ka Gender Budget ka long ₹6,849 klur.
T. 29 hajar klur tam ka mang tyngka ka jylla, yn pyllut tam ia ka jingmih sa T. 2 klur tam
