Shillong: 46 tylli ki kes kiba pynkhein ia ka ain khasi hills ADC Acts bad na kine ki 46, la lap ba ki pynkhein ia ki ain haba iadei bad ka trading lisen bad la don kiba ka la lah pynshitom bad don kiba ka la khang ruh.
Ki don saw tylli ki travel agency kiba ki la shim ia ka kam halor ka jingpynkhein ia ki ain.
U CEM ula ong ba hadien ka jingjurip kila khang ia ka dukan bad la ai da ka show cause notice ne ka jingpan jubab. Ula iathuh ba ia kine ki dukan kiba ki khang la ai noh sha ki trai muluk ban pyniaid.
Haba iadei bad kawei ka kompeni blinkit kaba pyrshang ban plie khlem ka trading lisen, ka Council ka la khang dam noh ia kane ka kompeni.
Ula pyntip ba ka Enforcement wing, katba lah ka la trei ia ka kam bad ka la leit na ka por ban jurip ioh don kiba pyntrei khlem ka trading lisen.
Haba iadei bad ka jingdon ki briew kiba sdang shwa ia ka kam, ka EC ka la ailad ia ka shnong ba kan bishar ia kiba wan leh kam khaii bad ia kum kine haba ki wan sha beit sha KHADC, kam ju ai ia ka trading lisen.
46 tylli kiba pynkhein ain, bun kiba shah khang noh, ong u CEM
