Shillong: U MLA ka Nongkrem uba dei ruh u President ka Voice of the People Party u bah Ardent M Basaiawmoit ula ong ba kane ka sorkar ka lah ban len shi len ba kam don ka jingtih dewiong beain, hynrei haba ka mariang ka sei tlam, ym don ba lah shuh ban len eiei.
Haba kren mynta ka sngi halor ka jingjia dang shen ha Mynsngat,Thangsko, East Jaintia ha kaba 33 ngut ki briew kila iap bad shibun kila mynsaw, u bah Ardent ula ong ba kane ka sorkar ka lah ban len shi len ba kam don ka jingtih dewiong beain, hynrei ki briew ki tip, ki lum, ki wah ki tip ia kane.
U la ong ba ka por ia ka sorkar ba kan len ka la kut, haba ka mariang ka la sei ia ka jingshisha, phim lah ban buhrieh.
Ha kajuh ka por, u la ong ba katkum ka jingtip jong u, ka jingdon ki briew ha ki krem ba la bthei dang shen ha Thangsko, kam dei tang katto kumba la ai jingkhein ka sorkar hynrei ki lah ban don shibun.
Ula pynpaw ia ka jingbynnniaw ba kane ka sorkar kam ailad ban iakren ia kane ka mat hapoh ka iing dorbar da kaba ai daw ba ka don ha ka iing kashari namar ba ym dei tang shisien, ka sorkar ka pyrshang ban rieh tngen ha ka sub judice ne ka kam kaba dang don ha kashari ym lah ban iakren ha ka dorbar bad kane ka dei ka jingpyrshang ban kiar na ka jngiatainia ia ka jingshisha.
Ula ong ba wat ka Kashari ka la ong ba ka jingiatai ka iing dorbar ka dei ka bynta jongka khlem tuklar ia ka rukom bishar. Ki don ki bynta ha kaba ngim dei ban iatai.
La kut ka jingpyrshang len ka sorkar bym don jingtih dewiong beaiñ, ong bah Ardent
