Shillong: Ka jingshah kynthah ha ki paidbah ba ka UDP ka dei ka party kaba shong ha tnum bos, ka dei tang ka nia thaw nang jongno re jongno.
U MLA ka UDP na Mawsynram u bah Oland Sing Suin haba jubab halor kane ka jingshah kynthah, u la ong ba ka Secretariat ka dei ka bos, ha kaba baroh ki MLA kiba don ha ka sorkar ki iadon lang bad kam don kano kano ka jingleh shiliang.
Haba kren mynta ka sngi, u bah Suin ula ong ba ka UDP ka don 2 ngut ki myntri sorkar bad ki MLA ki don kiba bat kam ha ka sorkar bad ha Assembly ruh ki iashong lang bad kam don kano kano ka jingleh shiliang ban shong sha liangpyrshah.
Kane ka jingkren u bah Suin ka long halor ka jingkylli, kaei ka jingsngew jong u, haba ka UDP bad kiwei ki party kila shah kynnoh ba ki dei tang kiba shu shong tnum bos ka NPP kaba ialam ia ka sorkar.
Na ka liang u bah Pius Marwein, u MLA ka UDP na Ranikor ula ong ba ka jingkynnoh ka don beit lada don ha ka sorkar ne lada ym don ha ka sorkar hynrei kum ki MLA ki trei beit ia ka kam na ka bynta u paidbah.
‘Ka secretariat ka dei ka bus, ngim don sha khrum bos, ngi shong lang baroh”, la ong u MLA ka Mawsynram
