SHILLONG 19, Jymmang: Mynta ka sngim, san ngut kiba shah kynnoh donkti ban shoh ban tied ia ki samla ha Khyndai Lad ha ka miet Palei ka 18 tarik Jymmang 2023 kila shah kem noh na Guwahati mynta ka sngi.
Ki pulit ka East Khasi Hills kila ioh kem ia ki ryngkat ka jingiarap ki pulit ka Assam hadien ba kila phet na Shillong.
Ha ka kyrwoh, u SP ka East Khasi Hills la iathuh ba u bah Iohborlang Kharsohnoh na shnong Jongksha bad u bah Banshai Syiem na Laitkor kila shah tied ha ki san ngut ki bar jylla ha Khyndai Lad, haduh ba kila mynsaw jur. La pynngat kam ha ka ain Sadar PS Case No. 115(5)23 U/s 307/324/326/34 IPC Act bad ka jingtohkit ka dang iaid.
Shwa ia kane, ki nongniak taksi kamai kila sangeh kamai ha Khyndai Lad ban pynrem jur ia kane ka jingjia bad la dawa ban kem mardor lym kumta, kin iakhih tyngeh. Kumjuh ka East Khasi Local Taxi and Divers Association ka la sangeh ban pynlong ia ka jingiakhih hadien ba ki pulit kila ioh kem ia kiba donkti.