Shillong: U myntri ka tnad jngohkai ka jylla u Timothy D Shira ula pynjai jai ia ki paidbah kiba wohdong wohnia ia ka jingpyllong ia ka tamasa Cherry Blossom ha madan Polo, Shillong.
Haba kren mynta ka sngi, u Timothy ula ong ba ym lei lei ia kiba dohdong wohnia ia ka jingpyllong ia kane ka tamasa ha Polo namar ba haba leh ia kaba bha ruh kin don kiba wohnia, lada leh ia kaba sniew ruh kin don kiba kynthah.
U la ong ba ka jingpyllong ia ka tamasa ha Polo kan dei tang mynta ka kynti namar ba ym pat shna ia ka jaka kaba biang ha thain New Shillong.
U la kam ba ka tamasa ka long kaba seisoh namar ba la wan bun ki briew nabar jylla.
Halor ka tamasa Megong, ula ong ba ka sorkar ka dang shna ia ka jaka kaba neh junom ia mynta bad mynta u snem ruh kan pyllong ha katei ka jaka kaba dang iaid ka jingshna.
Ka Cherry Blossom ka la long ha ka 14 bad 15 tarik mynta u bnai ha kaba da ki phew hajar ki paidbah kila wan tuid sha kane ka tamasa.
Na ka liang kiba bun kila thnum ia ka jingpyllong ia kane ka tamasa hapdeng sor namar ba ka la wanrah ia ka jingthut jingwit ia ka leit ka wan bad ka jingkynjling ki sur jingtem kaba la pynthut ia ki briew sawdong ka madan Polo.
Kiba wohdong ruh ym lei lei hi ia ka tamasa cherry blossom ha Polo, ong u myntri
