Shillong: U Myntri Rangbah ka jylla u Conrad K Sangma, mynta ka sngi ka 17 tarik Naiwieng 2025, ula plie ia ka Japanese Training Programme ba la pyniaid ka Meghalaya State Skill Development Society, jong ka Labour, Employment & Skill Development ka sorkar Meghalaya ha Shillong.
Nalor u myntri ka tnad Laour bah Methodius Dkhar, la don lang u Nishikwa Toshiaki San, u Chairman & CEO ka Asean Group Co Ltd bad ki nonghikai ktien Japan.
Haba kren ha kane ka prokram, u Conrad ula ong ba ka sorkar jylla kam kwah ban iateh paralok lut bad baroh namar ba lada iateh paralok lut ia baroh, ym don ka jingiadei paralok shuh badno badno bad na kane ka daw, ka jied ban iateh paralok tang bad kiba lah ban shaniah. Ula bynrap ba ka Japan bad ki jylla ka North East ki don ka jingiajan bad ka jingiasyriem bha bad ka Japan naduh ka riti dustur, ka bam ka dih bad ka jinglong jingman.
U bynrap ba ka jylla Meghalaya ka la phah 37 ngut ki Nurse sha Japan bad man u bnai kila ioh ban phah pisa kumba 1 lak sha ïing jongki bad na kine, ka jingwan ka pisa sha jylla ka la kot sha 5 klur eiei ha ka shi snem.
Ula pdiang sngewbha ia 2 ngut ki nonghikai ktien na Japan sha Shillong kiban hikai ia ka ktien Japan ia ki samla hangne ha jylla kiba iadon 86 ngut na bynta 6 bnai.
Shen yn nang kren ktien Japan tiak tiak ki 86 ngut ki samla Meghalaya
