Shillong: Ka BJP Meghalaya ka la lehkmen da kaba thang bom pataka, bad bam jingbam thiang ha ka ka sngi Thohdieng hapoh ka ophis ka BJP hadien ba ka la jop ia ka elekshon ha Bihar.
Ki nongialam ka BJP naduh u President u Rikman G Momin, ki nongialam, bad kumjuh ki dkhot jong ka seng, kila rakhe lehkmen ha kane ka sngi ban ai khublei ia u Narendra Modi u myntri rangbahduh ka ri
u President ka BJP ula pynpaw ia ka jingkmen ba ka BJP bad ki paralok ka NDA kila jop kput ha Bihar bad ula kyrmen ba ha kane ka jylla Meghalaya ruh kan sa urlong ha u snem 2028.
Haba kylli ia ka jinglah ka party ban nang pynbun ia ki MLA ha Jylla, ula ong ba ha u 2028, ka BJP kaba don mynta tang ngut ki MLA, kan sa jop kham bun.
Haba iadei bad ka jingpynkhreh ia ka elekshon GHADC, u Momin ula ong ba ka party kala trei shitom bad ka khmih lynti ba kan nang ioh kham bun ki seat ha kane ka kynti.
Katba u General Secretary ka BJP Meghalaya u bah Wankit Pohshna ula ai khublei ia ki paidbah nongjied ka Bihar kiba la shaniah ha ka BJP. Ula kyrmen ba kum kane ka jingjop, kan sa wan pur sha kane ka jylla Meghalaya ruh ha ka elekshon MLA ha u 2028.
Thang bom pataka ka BJP ha Shillong, ba jop elekshon ha Bihar
