Shillong: Mynta ka sngi, ki paidbah khamtam ki samla kynthei bad shynrang kila leit kyrniom puk para maki ban iaknieh shon dur bad ki nongrwai ka kynhun The Script. Kane ka la jia ha Don Bosco, Laitumkhrah mynta ka sngi hadien ba kine ki nongtem kane ka kynhun kila leit jngoh ia katei ka jaka.
Kane ka kynhun The Script ka la wan sha kane ka nongbah na ka bynta ban pynlynguh ha ka tamasa Cherry Blossom lashai ka sngi ha madan JN Stadium, Polo.
Ki nongpara ia kine ki nongtem kila phuh syep bad lynga wir ban iada na ka jingiakyrniom palat ki paidbah kiba iaknieh ban shon dur. Hadien ba kila shah kyrniom ha ki paidbah kiba kwah ban ia shon dur lang bad phah soi, kila ai ruh ka jingrwai ban pynjem bad pynsngew sngew tynnad ia ki paidbah.
Ha kajuh ka por, kila pyllong ruh ia ka jingai jingrwai hakhmat ki paidbah kaba long kum shi bynta ban khring sha ka tamasa lashai ka sngi.
Iakhyniat ki samla ba iaknieh shon dur bad ki nongtem The Script ha Don Bosco, Laitumkhrah
