Shillong: Ka Sorkar Jylla lyngba u Secretary ka State Transport Authority, ula pynmih ia ka jingpynbna ha ka 10 tarik Naiwieng 2025, ba la bthah ia baroh ki nongniah kali kamai kin wah ia ki kyrteng hapoh kali ryngkat ka driving license, ka jaka sah, phune number.
Katkum ka jingpynbna, baroh ki trai permit, kynthup ki taxi, auto rickshaw, bus, ki kali kamai National Permit, kali tourist, kali jong ki skul/jaka pule, ki dei ban wah ia kine ki jingtip : Ka kyrteng u nongniah, driving lincence number, jaka sah ba shirta, kyrteng u contractor, licence number bad jaka sah.
Ia kine ki jingtip dei ba wah ha ka ktien phareng bad ktien lajong, ha ka dashboard lane lyndet ka jaka shong ba hakhmat ban iohi ki passenger.
Kane ka sienjam bala shim ka dei kaba la leh da ka jingthmu ban wanrah ia ka jingkamai kaba khuid ba shai, ka jingkitkhlieh bad ka jingiada ia ki nongleit nongwan.
Ki trai ba bat ia ki permit ki dei ban pyntreikam ia kane hapoh ka 30 sngi ba pynmih ia ka jingpynbna.
Wah noh ia la ki kyrteng hapoh kali hapoh 30 sngi, bthah ka sorkar ia ki draibar kali kamai
