Shillong: U Myntri Rangbah ka jylla ula ioh ban plie ia ki kamra klas ka Ri Bhoi Synod College, Umsaitsning mynta ka sngi ka 11 tarik Naiwieng 2025 ha ka jingdon lang u MLA ka thain bah Sosthenus Sohtun uba dei u myntri ka tnad Community & Rural Development, Dr Celestine Lyngdoh, MLA, Umsning bad kiwei.
Ha ka jingkren ha kane ka jingialang, u myntri rangbah ula pynpaw ba ki samla pule kin kmen shi katdei eh namar ba la ioh ia ki kamra klas kiba thymmai. U la ong ba ka sorkar ka la theh tyngka bun na ka bynta ban pynbha ia ki jaka pule ha kylleng ka jylla khnang ban pynbha ruh ia ki jinghikai bad ki jingdonkam na ka bynta ki samla kiba dei ka lawei ka jylla.
Ula ong ba ki skul shimet kiba ka sorkar ka la ai jingkyrshan ha ka jylla ki la kot sha ka 4172 tylli bad ka jylla Meghalaya ka dei kaba bun tam ki skul napdeng ki jylla ha North East hynrei sngewsih ka result pat kam long kaba pynhun.
Ka sorkar kan iakhun tyngeh ban kyntiew ia ka pule puthi jong ki khynnah bad ka la shim ia ki sienjam ha kaba ka la lap ba ki don 206 tylli ki skul khlem khynnah, 2269 tylli ki skul kiba tang iwei I khynnah.
Tang ia ki nonghikai college shimet ha ka shi snem kumba T.120 klur ka sorkar ka pyllut ban siew tulop.
Ia ki kamra klas ka Ri Bhoi College la mang T.23.72 lak na ka CMSDF 2025-2026 kaba la plie mynta ka sngi.
Bun tang ki skul ka result khlem ler|Mar syn hiar u Conrad, ioh kamra klas ka Ri Bhoi Synod College
