Shillong: Mynta ka sngi ka 10 tarik Naiwieng, u Myntri Rangbah ka jylla u Conrad K Sangma ula jngoh ia ka thain Ammlrem ha kaba ula krih ban peit ia ki jingiaid ki kam ki jam ha katei ka thain.
Ula leit jngoh ia ka jingtreikam ka PHC ha Jarain kaba dang iaid ka jingshna ban kyntiew kyrdan sha ka Subdivision Hospital, bad ula pynpaw ia ka jingkmen ban iohi ba ki kam ki iaid sted.
U myntri rangbah ula phah plie ruh ha u nongsumar Khasi u bah Tariangmon Lamat ia ka ophis thymmai ka Block Integrated Development Complex of the Amlarem C&RD Block.
Ha kane ka sngi, ryngkat u MLA ka thain uba dei ruh u Myntri sorkar bah Lahkmen Rymbui, u Conrad ula leit jngoh ia ka jingiaid ka jingtrei iaka Eklavya Model Residential School (EMRS) ha Umladkhur, Amlarem Block, West Jaiñtia Hills District bad ula bthah ia ki contractor ba kin pynsted ia ka jingtrei khnang ba ka skulk an treikam noh naduh snem ban wan u 2026.
Shuh shuh ula leit peit ruh ia ka jingiaid ka jingshna ia ka madan phutbol plastic ha Amlarem.
Ha kane ka sngi, u myntri rangbah ula iasyllok markhmat bad ki paidbah halor ki jingeh, ki jingdonkam jongki naduh ka um bam um dih, ka pule puthi, ka koit ka khiah, ka lynti synkieng, ka bording, ki kamai kajih bad kiwei kiwei kiba iadei ban kyntiew ia ki longkmie.
Ula ai ₹10 lak na ka CM-SDF ban shna ia ka ophis ka Cluster Level Federation jong ka Women Self-Help Groups ha Amlarem.
Ha kane ka sngi, u myntri rangbah ula plie ruh ia ka jingrakhe sdang ia ka jingdap 50 snem ne ka Jubili ksiar ka Amlarem Civil Sub-Division.
Krih u Conrad ha Amlarem PHC, madan phutbol, plie ia ka ophis block, ka jingrakhe 50 snem ka sub division
