Shillong: Ka sorkar Assam ka la shna ia ka ain ban khang pyrshah ban ri tnga bun ngut bad la shah ban iashong beit tang ba kawei. Hynrei kane ka ain, ka la pynjynsur bad kan ym treikam ia ki jaitbynriew riewlum.
Ka sorkar Assam kala pynkhreh ban rah ia ka ain halor kane kaba la mana bad khang pyrshah sbak ban ri tnga ar ngut shaneng.
U myntri rangbah ka Assam u Himanta Biswa Sarma ula pynbna ia kane ka rai ka cabinet ha ka sngi u Blei, ba kiba pynkhein kin shong phatok 7 snem ryngkat ka jingburia ia ki lanot. Hynrei u Myntri Rangbah ula pynshai ba kane ka Ain kan ym treikam ia ki jaitbynriew riewluem ne Scheduled Tribe (ST) kiba don ha ka six Scheduled Area ka Assam.
Ia kane ka bill la tip kum ka Assam Prohibition of Polygamy Bill, 2025, bad yn rah hapoh ka iing dorbar ha 25 tarik Naiwieng 2025, bad ka jingthmu ka long ban iada ia ka burom ka ijot ki kynthei bad ban khang ia ki shynrang ban ri tnga bun ngut.
Kiba ri tnga 2 ngut, kin shong phatok bad ka kuna ha Assam
