Shillong: Ha ka sngi ka 9 tarik u Naiwieng 2025, ki Khasi kiba pule bad trei ha Karnataka ki la shim bynta shit rhem ha ka North East Fusion Carnival, ha sor Bangaluru.
Ha kane ka Carnival kaba kdup ia baroh ki jaidbynriew trai muluk ka North East, la don bynta da bun tylli ki jaidbynriew trai ri ka North East.
Ka KSU Bengaluru Unit ha kane ka lympung ka la ai ia ka dorkhas ha u James Sangma, u hymmen u Myntri Rangbah ka jylla Meghalaya halor ki jingeh bad jingdonkam ki Khasi bad Garo ba don ha jylla Karnataka kiba kynthup ia ka jingpynher liengsuin khlem sangeh na Shillong sha Bengaluru, ban pyndep ban pyntrei kam noh ia ka Meghalaya House bad ban iarap lem ia ki Khasi kiba iap ha Bengaluru ban pynpoi ia ki met sha Ri Khasi.
Bun na ki Khasi kiba trei bad pule sha Karnataka ki wan na ki longiing ba duk bad lada jia eiei kaba sngewsih ka shitom bha ban kyrshan ia ki wat lada ka KSU ka ialeh katba lah ban iarap ia ki, la ong ka kyrwoh na u samla Donbok Nongphud bad samla Younidame Suchiang kiba dei ki nongialam ka KSU Bengaluru Unit.
Lynguh ka sor Bangaluru na ka tamasa ki smala ka North East
