Shillong: Haba don kano kano ka jingbakla ha ka kot, kiba pynmih ki dei ban kitkhlieh. Ia kane la ong u myntri ka tnad ka pule puthi ka jylla u bah Lahkmen Rymbui mynta ka sngi 3 tarik Naiwieng 2025, hadien ba la mih khubor ba ka la don ka jingbakla jong ki jingkylli bad ki jubab ha ka CM Impact Guide Book, kaba la sam ha ki khynnah ban ialeh ia ka matrik.
U Bah Lahkmen u la ong ba namar ba u dang shu ioh jingtip ia kane, na ka liang jong u, un shim khia mardor ban pynbeit ia ka jingbakla.
U myntri ula ong ba ym dei tang ka CM Impact kaba ki hikai ia ki khynnah hynrei ki hikai baroh ki sobjek hynrei haba don ka jingbakla, ka tnad pule puthi, ka MBoSE ka dei ban pynbeit ia kata ka jingbakla.
Lah ban kdew ba dang shen, uwei na ki nonghikai ba la rangbah ka KJP Girls Higher Secondary School, Shillong u babu Kular Khongjirem ula sei madan ia ka jingbakla ka CM Impact Guide Book kaba la sam sha ki khynnah skulk las X bad kane ka jingbakla kan long ka jingmynsaw ia ki khynnah kiba pynkhreh ia ka klas eksamin X.
Hap kitkhlieh kiba pynmih ia ka kot CM Impact Guide Book haba don jiingbakla: Lahkmen
